ကော့ဂွန်းဂူ ( ဘားအံ )

စိမ်းလဲ့တင်မှ ဘားအံမြို့သို့ (၇၆) မိုင်ခန့်ကွာဝေးပြီး ကားဖြင့်သွားလျှင် (၃)နာရီခန့် မောင်းရပါသည်။ကော့ဂွန်းဂူသည် ကရင်ပြည်နယ် ဘားအံမြို့နယ် ကော့ဂွန်းကျေးရွာအနီးတွင်ရှိသော ကော့ဂွန်းထုံးကျောက်တောင်၏ သဘာဝထုံးကျောက် တောင်တစ်ခုဖြစ်သည်။ သံလွင် ဒုံသမိဒေသတွင် မင်းလွင်ဂူ၊ ၀င်းဆုံဂူ၊ ဘုရင့်ညီနောင်ဂူ၊ ဖားကပ်ဂူ ကော့ဂွန်းဂူနှင့် ရသေ့ပျံဂူတို့ရှိကြသည်။ ဗုဒ္ဓရုပ်ထုတော်များနှင့် ရှေးဟောင်းယဉ်ကျေးမှုအမွေအနှစ်များ တည်ရှိမှုကြောင့် ကော့ဂွန်း လှိုဏ်ဂူသည် အထင်ရှားဆုံးဖြစ်သည်။ လှိုဏ်ဂူအတွင်းပိုင်းနှင့် အပြင်ဖက်တို့တွင် အုတ်၊ ကျောက်၊ အင်္ဂတေ သစ်သား တို့ဖြင့်အနေအထား အမျိုးမျိုးဖြင့် စီမံထားသော ဗုဒ္ဓရုပ်ပွားဆင်းတုတော်များ ရုပ်လုံးကြွများ ရှေးဟောင်း ကမ္ဗည်းစာများ နှင့်ရှေးလက်ရာရုပ်ထုများ၊ စေတီပျက်စသည်များရှိရာ သမိုင်းတစ်ခေတ်၏ ဂူလက်ရာ အနုပညာများကိုလေ့လာနိုင် သည်။ ထို့ပြင် ဓမ္မစကြာလှည်းဘီးနှင့် လက်ရေးစင်းအမှတ်အသားပါသည့် အုတ်ချပ်များကို လည်းတွေ့နိုင်သည်။ ထို့ပြင် ကော့ဂွန်းဂူအ၀င်မုခ်ဦးမှစ၍ အတွင်းခန်းမဆောင်လှိုဏ်ဂူအတွင်း ထိပ်ပိုင်းထိ ရှေးဘိုးဘွားသူတော်ကောင်းများ လှူဒါန်း ပူဇော်ခဲ့ကြသော ရပ်တော်မူထိုင်တော်မူ တင်ပျဉ်ခွေတော်မူ လျောင်းတော်မူ ရုပ်ပွားတော်များစွာကို ဗုဒ္ဓဘာသာဝင်များ ဖူးမြော်ကြည်ညိုနိုင်ပါသည်။ ရှေးဟောင်းသမိုင်းဝင် ကော့ဂွန်းဂူကြီးသို့ရောက်လျှင် ခြင်္သေ့ကြီး(၂၆)ကောင်၊ လွတ်လပ်ရေးကျောက်တိုင်၊ နတ်ရေကန်၊ တောင်ပိုင်ဘိုးတော်ဖြူ၊ နတ်နန်းဆောင်တို့ကို ရှေးဦးစွာ တွေ့မြင်နိုင်သည်။ ကော့ဂွန်းဂူသည် ဘားအံမြို့နှင့်(၇)မိုင်ခန့်ဝေးပြီး အနောက် ဖက် ယွန်းယွန်းတွင် တည်ရှိသည်။